Dansað við vatnakarfa í Kaliforníu - myndband

Burritosjúki vatnakarfaveiðimaðurinn, Dagur Árni Guðmundsson hefur sett saman myndband af aðstæðum í Kaliforníu þar sem hann mokveiðir vatnakarfa eða carp. Fréttin okkar frá í gær um kappann vakti verðskuldaða athygli. Segja má að myndbandið sé vídeó útgáfa af þeirri frétt.

Fyrir þá sem hafa áhuga á þessari veiði er afar áhugavert að skoða myndbandið en linkur fylgir með á það. Dagur sendi okkur skýrslu í gær um magnaða veiði sem hann hefur verið í síðustu tvo daga, þar sem hann hefur rótað upp fiskum á bilinu 10 til 25 pund. Í skýrslunni sagði hann frá viðureigninni við SCHLONKERINN sem hann fann og setti í. Þetta þýsk ættaða orð er lýsing Dags á afar stórum fiski.

Myndbandið er á youtube en þar talar Dagur á ensku og deilir hugsunum sínum, matargerð og magnaðri veiði með áhorfendum.

Kaldir morgnar og heit síðdegi eru ávísun á góða veiði þegar carp er annars vegar. Myndbandið er góð skemmtun þegar lítið er við að vera á Fróni fyrir veiðimenn, nema hnýta flugur.

• Blogga um frétt

Seinustu hundraðkallar sumarsins