Dragkeppni er víða haldin og hér má sjá hina spænsku Luz Yurena Martin í keppni á Tenerife.
Dragkeppni er víða haldin og hér má sjá hina spænsku Luz Yurena Martin í keppni á Tenerife. — Reuters
SKRÁNING er nú hafin í Dragkeppni Íslands 2006. Keppnin verður haldin á Gauki á Stöng miðvikudaginn 9. ágúst og líkt og í fyrra er bæði körlum (dragdrottningum) og konum (dragkóngum) velkomið að taka þátt.
SKRÁNING er nú hafin í Dragkeppni Íslands 2006. Keppnin verður haldin á Gauki á Stöng miðvikudaginn 9. ágúst og líkt og í fyrra er bæði körlum (dragdrottningum) og konum (dragkóngum) velkomið að taka þátt. Í ár verður keppt um tvo titla; Dragdrottningu Íslands og Dragkóng Íslands.

Þessir tveir sigurvegarar munu síðan keppa innbyrðis um hinn eina sanna sigurvegaratitil. Þema keppninnar í ár er: "Söngleikir - glamör og húmör".

Keppendur þurfa að velja sér eitt lag til að flytja í keppninni, annaðhvort "mæmað" eða sungið. Auk söngframmistöðunnar verða keppendur metnir eftir því hversu eftirminnilega og skemmtilega persónu þeim tekst að skapa.

Til að skrá sig þarf einfaldlega að senda tölvupóst á netfangið dragkeppni@visir.is þar sem fram kemur fullt nafn, sviðsnafn, símanúmer og netfang. Haft verður samband við keppendur fljótlega eftir að skráning berst.

Aðstandendur keppninnar geta aðstoðað þá sem þurfa að komast í samband við förðunarfræðinga, hárkolluleigur og aðra sem geta hjálpað til við að láta drauminn rætast.