Tveggja manna tak Guðjón Valur tekur við gripnum af Þorsteini Gunnarssyni, formanni Samtaka íþróttafréttamanna og Bjarni Ármannson og Jón Karl Ólafsson fylgjast sposkir með.
Tveggja manna tak Guðjón Valur tekur við gripnum af Þorsteini Gunnarssyni, formanni Samtaka íþróttafréttamanna og Bjarni Ármannson og Jón Karl Ólafsson fylgjast sposkir með. — Morgunblaðið/Arnaldur
GUÐJÓN Valur Sigurðsson, handknattleiksmaður með þýska liðinu Gummersbach, var í gær útnefndur íþróttamaður ársins af Samtökum íþróttafréttamanna. Guðjón Valur hlaut 405 stig í fyrsta sætið en mest var hægt að fá 460 stig.
GUÐJÓN Valur Sigurðsson, handknattleiksmaður með þýska liðinu Gummersbach, var í gær útnefndur íþróttamaður ársins af Samtökum íþróttafréttamanna. Guðjón Valur hlaut 405 stig í fyrsta sætið en mest var hægt að fá 460 stig. Eiður Smári Guðjohnsen, knattspyrnumaður hjá Barcelona og handhafi titilsins síðustu tvö árin, varð annar með 333 atkvæði og handknattleiksmaðurinn Ólafur Stefánsson, handhafi titilsins síðustu tvö ár þar á undan, varð í þriðja sæti með 188 stig, en Ólafur leikur með Ciudad Real á Spáni. Alls hlutu 22 íþróttamenn úr 13 greinum atkvæði í kjörinu að þessu sinni, sex konur og sextán karlar.