Skyggni ágætt. Norður &spade;Á &heart;K93 ⋄DG9764 &klubs;ÁK6 Vestur Austur &spade;DG1053 &spade;9642 &heart;D84 &heart;Á106 ⋄5 ⋄K108 &klubs;D832 &klubs;1094 Suður &spade;K87 &heart;G752 ⋄Á32 &klubs;G75 Suður spilar 3G.
Skyggni ágætt.

Norður
Á
K93
DG9764
ÁK6

Vestur Austur
DG1053 9642
D84 Á106
5 K108
D832 1094

Suður
K87
G752
Á32
G75

Suður spilar 3G.

Það þarf yfirleitt ekki að brýna fyrir ökumönnum að fara gætilega í slæmu skyggni og hálku – hættan er augljós og menn vanda sig ósjálfrátt. En sofna á verðinum þegar skilyrðin eru upp á það besta. Svona er þetta líka við spilaborðið.

Spaðadrottning kemur út gegn þremur gröndum og það er allt eins og best verður á kosið, enginn sérstakur veikleiki og nægt framboð af slögum. Tíguldrottningu er spilað í öðrum slag – kóngur frá austri, drepið með ás og ... tapað spil! Tígulásinn er eina örugga innkoman á spaðakónginn, en það má auðvitað ekki taka á hann strax. Sagnhafi fríar tígulinn og vonast eftir spaða til baka, en austur kann að telja og skiptir yfir í lauftíu: einn niður.

Eftir á að hyggja hefði verið skynsamlegt að dúkka tígulkónginn.