Jón Gissurarson á Víðimýrarseli orti þegar sólin náði að skína á bæinn í fyrsta sinn á þessu ári, en það var í kringum 20. janúar: Vakna gleði, von og þrá vinnst því margt í haginn. Fegurð glæsta fæ að sjá fyrsta sólardaginn.

Jón Gissurarson á Víðimýrarseli orti þegar sólin náði að skína á bæinn í fyrsta sinn á þessu ári, en það var í kringum 20. janúar:

Vakna gleði, von og þrá

vinnst því margt í haginn.

Fegurð glæsta fæ að sjá

fyrsta sólardaginn.

Sigmundur Benediktsson komst í sólskinsskap er hann sá vísu Jóns og orti þegar:

Tímans hjólið valt í vil,

víkur njólubaginn,

færir bólum frið og yl

fyrsta sólardaginn.

Listfeng teglir landsins mynd,

ljóss af reglum hafin.

Geisla speglar glaðvær lind

gullnum dreglum vafin.

Jakob Pétursson Breiðumýri orti á sínum tíma:

Á Breiðumýri sést ei sól,

– svört er myrkradorra. –

Fjórar vikur fyrir jól

að fyrsta degi Þorra.

Og vísa Þorsteins Erlingssonar á alltaf við:

Á þig skíni endalaust

unaðssólin bjarta.

Vonargeislar vor og haust

vermi þig að hjarta.