Birna Þórarinsdóttir
Birna Þórarinsdóttir
Birna Þórarinsdóttir stjórnmálafræðingur hefur verið ráðin framkvæmdastýra Evrópustofu – upplýsingamiðstöðvar ESB, sem opnuð verður eftir áramótin.

Birna Þórarinsdóttir stjórnmálafræðingur hefur verið ráðin framkvæmdastýra Evrópustofu – upplýsingamiðstöðvar ESB, sem opnuð verður eftir áramótin. Markmið Evrópustofu er að veita hlutlægar upplýsingar og auka umræðu, þekkingu og skilning á eðli og starfsemi ESB.

Birna var yfirmaður verkefnaskrifstofu UNIFEM (nú UN Women) í Serbíu og Svartfjallalandi 2008-2010 og framkvæmdastýra landsnefndar UNIFEM á Íslandi 2004-2006. Hún hefur starfað sem ráðgjafi og þjálfari fyrir utanríkisráðuneytið og Öryggis- og samvinnustofnun Evrópu í jafnréttismálum. Þá hefur Birna kennt við bæði Háskóla Íslands og Háskólann á Bifröst. Hún er með BA-gráðu í stjórnmálafræði frá Háskóla Íslands og meistarapróf í alþjóðlegum öryggismálafræðum frá Georgetown University í Bandaríkjunum.

Evrópustofa verður rekin af Athygli ehf. og þýska almannatengslafyrirtækinu Media Consulta. Starfsemin verður fjármögnuð af ESB.

sbs@mbl.is