Ríga – fimmta þraut.

Ríga – fimmta þraut. S-NS

Norður
♠D73
♥K75
♦Á102
♣ÁG106

Vestur Austur
♠9542 ♠ÁG108
♥86432 ♥DG109
♦G3 ♦5
♣K5 ♣D743

Suður
♠K6
♥Á
♦KD98764
♣982

Suður spilar 6♦.

„Oft veltir lítil þúfa þungu hlassi.“ Fimmta Galtarþrautin lýtur að útspili gegn slemmu og það er vestur sem er „litla þúfan“. Sagnir eru eftirfarandi: Suður opnar á Standard-tígli, norður segir 3G (13-15), suður 4♦, norður 4♥ (fyrirstaða), suður 4♠ (fyrirstaða) og norður 6♦. Hvert er útspilið?

Ekki þarf lengi að rýna í spilin til að sjá að aðeins lauf drepur slemmuna. Með öðru útspili rennur upp þumalskrúfa á austur (Mortons Fork). Segjum að út komi hjarta. Sagnhafi tekur trompin með kóng og ás, spilar svo litlum spaða að kóngnum. Ef austur dúkkar má henda niður spaða í ♥K og tvísvína í laufi. Og ef austur tekur á ♠Á fara tvö lauf niður heima, annað í ♥K, hitt í ♠D.

Maija Romanovska, liðsmaður Lettlands, valdi að spila út ♠9. „Svo sem skiljanlegt,“ segir Gölturinn, „en þeir sem vilja komast í lið hjá mér verða að vera hugmyndaríkari.“