Múlinn Stórvirk tæki vinna að mokstri í Ólafsfjarðarmúla.
Múlinn Stórvirk tæki vinna að mokstri í Ólafsfjarðarmúla.
Vegagerðin hefur komið á fót viðvörunarkerfi með sms-skeytum um snjóflóðahættu til vegfarenda sem leið eiga um Ólafsfjarðarmúla. Hægt er að skrá símann sinn hjá Vegagerðinni og fær viðkomandi þá sent sms-skeyti við öll fjögur viðvörunarstigin.

Vegagerðin hefur komið á fót viðvörunarkerfi með sms-skeytum um snjóflóðahættu til vegfarenda sem leið eiga um Ólafsfjarðarmúla.

Hægt er að skrá símann sinn hjá Vegagerðinni og fær viðkomandi þá sent sms-skeyti við öll fjögur viðvörunarstigin. Þegar varað er við, hættustigi lýst, vegi lokað og þegar opnað er eftir lokun.

Prófanir fóru fram síðastliðið vor og tókust vel, að því er fram kemur í frétt á heimasíðu Vegagerðarinnar. Nú hefur verið ákveðið að gefa þeim vegfarendum sem þess óska að gerast áskrifendur að þessum viðvörunum. Sérstaklega er því beint til þeirra sem fara oft um veginn vegna atvinnu sinnar, skólasóknar eða af öðrum ástæðum að nýta sér þessar viðvaranir.

Þeim vegfarendum sem áhuga hafa á að fá viðvaranir er bent á að senda tölvupóst þar sem kemur fram nafn og gsm-númer í netfangið umferd@vegagerdin.is eða hringja í upplýsingasíma Vegagerðarinnar, 1777. sisi@mbl.is