Hönnuður Auður Ösp Guðmundsdóttir.
Hönnuður Auður Ösp Guðmundsdóttir.
Auður Ösp Guðmundsdóttir, vöru- og leikmyndahönnuður, heldur fyrsta þriðjudagsfyrirlestur ársins í Listasafninu á Akureyri, Ketilhúsi, undir yfirskriftinni: Og mig sem dreymdi alltaf um að verða uppfinningamaður, í dag kl. 17.

Auður Ösp Guðmundsdóttir, vöru- og leikmyndahönnuður, heldur fyrsta þriðjudagsfyrirlestur ársins í Listasafninu á Akureyri, Ketilhúsi, undir yfirskriftinni: Og mig sem dreymdi alltaf um að verða uppfinningamaður, í dag kl. 17.

Þar ræðir hún um námsárin í Listaháskóla Íslands, þau ólíku verkefni sem falla undir vöruhönnun og vinnu sína hjá Leikfélagi Akureyrar og við sýninguna Kabarett .

Auður Ösp Guðmundsdóttir útskrifaðist með BA-gráðu í vöruhönnun frá Listaháskóla Íslands 2010. Síðan þá hefur hún starfað sem vöru- og upplifunarhönnuður ásamt því að sjá um sýningarhönnun fyrir Spark hönnunargallerí og Hönnunarsafn Íslands. Undanfarna mánuði hefur hún starfað hjá Leikfélagi Akureyrar við búninga- og leikmyndahönnun fyrir sýninguna Kabarett sem nú er á fjölum leikhússins.