Ótrúlega glæsilegir vinningar eru í boði fyrir bestu hestasögurnar. Hér má sjá stelpubol og armband, derhúfu og hest. Allt merkt Villta folanum.
Ótrúlega glæsilegir vinningar eru í boði fyrir bestu hestasögurnar. Hér má sjá stelpubol og armband, derhúfu og hest. Allt merkt Villta folanum.
Hestar hafa alltaf verið stór hluti af lífi Íslendinga. Fyrst auðvitað sem þarfasti þjónninn, en nú á dögum hafa ótrúlega margir áhuga á hestamennsku, bæði til að keppa og svo bara til að ríða úti í náttúrunni í rólegheitunum.

Hestar hafa alltaf verið stór hluti af lífi Íslendinga. Fyrst auðvitað sem þarfasti þjónninn, en nú á dögum hafa ótrúlega margir áhuga á hestamennsku, bæði til að keppa og svo bara til að ríða úti í náttúrunni í rólegheitunum.

Það er því líklegt að margir krakkar hafi góða hestasögu að senda í ritsamkeppni Barnablaðs Moggans, annaðhvort alvörusögu eða ímyndaða. Og þeir sem aldrei hafa komið nálægt hesti spinna bara upp eina sögu á augabragði. Ekki satt?

Keppnisreglur

1) Sagan á ekki að vera rosalega löng ... en samt ekki of stutt! Í mesta lagi 250 orð.

2) Gott er ef höfundur getur sent inn mynd með sögunni sem hann eða vinur hans teiknaði. Það er þó ekki nauðsynlegt.

3) Sendið söguna á:

Barnablað Moggans

- Hestasaga -

Kringlunni 1

103 Reykjavík

eða á barn@mbl.is fyrir 18. ágúst . Munið að láta fullt nafn og heimilisfang fylgja sögunni.

4) Sérstök dómnefnd og Barnablaðið tilkynna vinningshafa 25. ágúst og þeir fá verðlaunin send heim til sín.