Sú var tíðin að Pólverjarnir Adam Zmudzinski og Cezary Balicki spiluðu sterkt-pass-kerfi: "opnuðu" á passi með 13 punkta, sögðu tígul með 0-7, en gáfu lýsandi sögn með 8-12 punkta hendur.
Sú var tíðin að Pólverjarnir Adam Zmudzinski og Cezary Balicki spiluðu sterkt-pass-kerfi: "opnuðu" á passi með 13 punkta, sögðu tígul með 0-7, en gáfu lýsandi sögn með 8-12 punkta hendur. Nú eru þeir eldri og þjóðlegri og spila einfaldlega pólskt lauf, en það kerfi liggur miðja vegu á milli Standad-kerfisins og Precision. Laufopnunin fer niður í 12 punkta, en líka upp úr öllu valdi og við laufinu er afmeldað. Þeir Adam og Cezary voru meðal keppenda á NEC-mótinu í Japan og pólska laufið gafst þeim vel þessu spili mótsins:

Suður gefur; allir á hættu.

Norður
K9542
D86
2
10964

VesturAustur
DG31086
Á753104
D1085KG743
D8G53

Suður
Á7
KG92
Á96
ÁK72

VesturNorðurAusturSuður
TeramotoAdamTakanoCezary
---1 lauf
Pass1 tígull Pass1 grand
Pass2 hjörtuPass2 spaðar
Pass3 laufPass3 hjörtu
Pass4 hjörtuPass5 lauf
PassPassPass

Eftir laufopnun og afmeldingu sýnir Balicki í suður 18-20 punkta með einu grandi. Norður yfirfærir fyrst í spaðann, en sýnir svo laufið til hliðar. Þriggja hjarta sögnin er eðlileg og sýnir fyrst og fremst tígulveikleika í grandi. Því lyftir Zmudzinski í fjögur hjörtu og hefur þá lýst skiptingunni nákvæmlega. Balicki taldi óþarft að berjast í 4-3-samlegunni og breytti í fimm lauf, sem unnust auðveldlega þegar trompið skilaði sér 3-2.

Spilið kom upp í viðureign við japanska sveit og heimamenn fundu ekki rétta samninginn:

VesturNorðurAusturSuður
PetruninImakuraGromovIno
---1 lauf
Pass1 spaðiPass2 grönd
PassPassPass
Suður fékk átta slagi í tveimur gröndum, en það var lítið upp í geim á hættunni á hinu borðinu.