Skakki kjöthleifurinn

• 1200 g hakk (½ svína- og ½ nautahakk)
• Rúml. 2 dl raspur
• 4 dl mjólk
• 3 tsk. salt
• 2-3 tsk. pipar
• 1-2 egg
• 1 bréf beikon
• Fryst grænmeti að eigin vali t.d. maís og/eða grænar baunir
• 1½ -2 kg hráar kartöflur

Aðferð:

1. Blandið saman mjólk og rasp í hrærivélarskál og látið standa í 10 mínútur.
2. Hitið ofninn í 180°C.
3. Bætið hinu hráefninu í skálina og hrærið saman.
4. Setjið í ofnskúffu og mótið eins og brauðhleif.
5. Raðið beikoni yfir kjöthleifinn.
6. Raðið kartöflum í kring.
7. Bakið í rúman klukkutíma.
8. Gott að setja smá vatn í lokin í skúffuna.
9. Setjið kjöthleifinn á bretti.

Sósa með kjöthleif

• 6-7 dl soð, u.þ.b. 2 msk. af kjötkrafti (svína-, nauta- eða lambakrafti)
• 3-4 msk. sósuþykkni (t.d. brúnn jafnari frá Maizena) eða 1 dl hveiti og  1½ dl vatn (hrist – vatn sett á undan)
• 2-3 dl matreiðslurjómi, rjómi eða nýmjólk
• Pipar, salt og sæta eins og t.d. rifsberjasulta eftir smekk
• Þurrkaðir sveppir (t.d. Kóngssveppur mulinn í morteli eða klipptir niður) – gefur gott bragð en má sleppa
• Sigtað soð af kjöthleifnum

Aðferð:

1. Hitið vatn að suðu og bætið við kjötkrafti (svína-, nauta- eða lambakrafti).
2. Ef hveiti og vatn er notað til að þykkja setjið þá vatn í hristiglas og bætið hveiti út í og hristið.
3. Takið pottinn af hellunni og hellið hveitiblöndunni í pottinn í mjórri bunu um leið og hrærið í með pískara. Ef sósujafnari er notaður bætið honum þá við soðið og hrærið með pískara.
4. Setjið hita undir pottinn aftur og hrærið í þar til sósan fer að þykkna.
5. Bætið þá rjóma eða nýmjólk við.
6. Bragðbætið með salti, pipar, sætu eins og t.d. rifsberjasultu eftir smekk og ástríðu.
7. Gott að setja soðið, sem rennur af kjöthleifnum, í sósuna.
8. Einnig má sigta soðið, sem kemur úr ofnskúffunni, og nota það.
9. Berið kjöthleifinn fram með fersku salati eða því sem ykkur finnst passa með.