Íslenska þjóðin skarar enn og aftur fram úr öðrum þjóðum en í þetta skiptið tengist það tölvuleikjasvindli.
Samkvæmt lauslegri rannsókn Surfshark horfa tæplega 28 manns af hverjum 100 á Íslandi á myndbönd á netinu um hvernig megi svindla í leikjum.
Út frá þessu er ályktað að Íslendingar svindli mest í tölvuleikjum.
Samkvæmt þessu situr Ísland efst á lista yfir hlutfall tölvuleikjasvindlara en litlu munar á Áströlum og Íslendingum.
Til samanburðar sitja Bretar í þriðja sæti á listanum með tæplega 25 einstaklinga af hverjum 100 sem horfa á svindlmyndbönd á netinu.