Bandaríska stórfyrirtækið Disney opnar hótel fyrir aðdáendur Stjörnustríðs kvikmyndanna árið 2022. Hótelið verður hið glæsilegasta og ekkert til sparað. Reiknað er með því að tveggja nátta dvöl á hótelinu muni kosta aðdáendur Hans Óla, Loðins og Obi-Wans Kenobis rúmlega 750 þúsund krónur.
See It. Feel It. Live It. Get the details on Star Wars: Galactic Starcruiser, a 2-night adventure launching at Walt Disney World in Spring 2022. 💫 https://t.co/Q4WaeIyX9L pic.twitter.com/yqKLOzNHYE
— Walt Disney World (@WaltDisneyWorld) August 4, 2021
Disney-samsteypan hefur gefið það út að það verði aðeins boðið upp á tveggja nátta upplifun. Innifalið í upplifuninni eru stanslaus skemmtiatriði, þar sem leikarar verða í hlutverki sögupersóna úr Stjörnustríðinu, matur, drykkir og geislasverð. Í maí birti Disney myndband á Youtube af eftirlíkingu af geislasverði sem hótelgestir fá að meðhöndla.
Hótelið er í Galaxy Edge-garðinum í Disneylandi á Flórídaskaga. Galaxy Edge-garðurinn er skemmtigarður tileinkaður Stjörnustríðsmyndunum.