Regnbogabarn Jessie J komið í heiminn
Setja bókamerki
Sonur söngkonunnar Jessie J og kærasta hennar, Chanan Safie Colman, er kominn í heiminn. Söngstjarnan deildi gleðifréttunum með fylgjendum sínum á Instagram á föstudag.
„Fyrir viku umturnaðist líf mitt,“ skrifaði hún yfir svartan bakgrunn. „Sonur minn kom inn í þennan heim og hjarta mitt tvöfaldaðist á svipstundu. Tilfinningin er ólýsanleg. Ég svíf um og er yfir mig ástfangin.“
„Hann er töfrandi,“ hélt söngkonan áfram. „Hann er allir mínir draumar að rætast. Hann er veröldin mín. Ég er að drekka í mig hverja sekúndu og trúi ekki enn að hann sé raunverulegur og minn og hér.“
Missti fóstur ári áður
Jessie J deildi óléttufregnunum í upphafi ársins en þá var rúmt ár liðið frá því hún missti fóstur. Söngkonan hefur talað mjög opinskátt um ófrjósemisvanda sinn, en hún greindist með endómetríósu árið 2014.
Jessie J og Colman, sem er dansk–íslenskur körfuboltamaður hófu samband sitt í apríl 2022 og er þetta fyrsta barn þeirra beggja.
Jaðarsetning það versta
Allar líkur á að Seðlabankinn lækki næst vexti
Goslok hafa ekki áhrif á vinnuna
Kynnir nýja stefnu í málefnum landamæra í sumar
Eftir stóð sálin og hreinleikinn
Tók barn upp úr innkaupakerru móður
Hollandi vísað úr Eurovision