Páll Óskar frestar afmælistónleikum
Setja bókamerki
Páll Óskar Hjálmtýsson hefur ákveðið að fresta 50 ára afmælistónleikunum sínum sem áttu að fara fram í Háskólabíói um næstu helgi, vegna kórónuveirunnar. Hann greinir frá þessu á facebooksíðu sinni, en ákvörðunin er tekin í samráði við RIGG-viðburði sem standa að tónleikunum.
Hann segist ekki vilja stefna áhorfendum í aðstæður sem gætu reynst þeim sjálfum eða þeirra nánustu skaðlegar eða hættulegar. Óbærilegt sé að vinna að svona risatónleikum með óvissu um samkomubann yfirvofandi. Nánast uppselt er á alla þrenna tónleikana.
„Þetta eru gleði-tónleikar og ég vil frekar telja í þegar hættan er liðin hjá. Þá verður líka helmingi meira gaman og rík ástæða til að fagna,“ segir Páll Óskar í færslu sinni, en hann stefnir á að halda tónleikana í september eða október.
Þeir sem vilja fá miðana endurgreidda geta haft samband við miðasöluna, en hinir sem vilja halda miðunum þurfa ekki að gera neitt og halda sínum upprunalegu sætum þegar tónleikarnir fara fram.
Tólf ára drengur illa fótbrotinn
„Miklar líkur á rýmingu á næstu sólarhringum“
Sleppt úr varðhaldi: Búið að klippa kanta á seðlum
Hvernig er vitað að þessi kona átti þetta barn?
Magnús Tumi: Gýs líklega á næstu dögum
Goslok hafa ekki áhrif á vinnuna
Allar líkur á að Seðlabankinn lækki næst vexti
