Samtök evrópskra sjónvarpsstöðva hafa greint frá því að Ísrael fær að taka þátt í Söngvakeppni evrópskra sjónvarpsstöðva sem haldin verður í Malmö í Svíþjóð í vor. Yfirlýsing var birt á vef SVT fyrr í dag. 

Sænska ríkisútvarpið hefur eftir EBU (European Broadcasting Union) að ísraelska ríkisútvarpið uppfylli öll þau skilyrði til þátttöku í keppninni og að hún sé á milli sjónvarpsstöðva sem eigi aðild að samtökunum. 

Þátttökuréttur Ísrael hefur verið mikið gagnrýndur í ljósi átakanna sem nú ríkja á Gasa, en Rússlandi var meinuð þátttaka eftir innrás sína í Úkraínu. 

Íraelska sjónvarpið hefur verið þátttakandi í Söngvakeppni evrópskra sjónvarpsstöðva í 50 ár og staðið upp sem sigurvegari fjórum sinnum. 

Tengdar fréttir

Eurovision

Áberandi stuðningur við ísraelska lagið

• Ísrael komst áfram í Eurovision
• Svíar mótmæla og áhorfendur baula á Ísrael
• „Það er mikill heiður að fá að kynna stig íslensku dómnefndarinnar“
• „Auðvitað hefðum við viljað enda þetta öðruvísi“

» Fleiri tengdar fréttir

• Blogga um frétt