Dómstóll í Írak hefur dæmt 27 menn til dauða fyrir þátt sinn í fjöldamorðum vígamanna Ríkis íslams á allt að 1.700 íröskum hermönnum í Camp Speicher í júní 2014.
Dómstóll í Írak hefur dæmt 27 menn til dauða fyrir þátt sinn í fjöldamorðum vígamanna Ríkis íslams á allt að 1.700 íröskum hermönnum í Camp Speicher í júní 2014.
Dómstóll í Írak hefur dæmt 27 menn til dauða fyrir þátt sinn í fjöldamorðum vígamanna Ríkis íslams á allt að 1.700 íröskum hermönnum í Camp Speicher í júní 2014.
25 menn, sem einnig voru grunaðir um aðild að morðunum, voru hins vegar látnir lausir vegna skorts á sönnunum að sögn fréttavefjar BBC.
36 menn voru dæmdir til dauða og hengdir vegna síns þáttar í morðunum í Camp Speicher fyrir ári síðan. Liðsmenn hryðjuverkasamtakanna Ríkis íslams mynduðu drápin og birtu ljósmyndir og myndbandsupptökur á netinu sem sýndu hermönnum stillt upp og þeir síðan skotnir á ýmsum stöðum innan Camp Speicher búðanna, sem áður voru bandarískar herbúðir.
Talið er að flest fórnarlambanna hafi verið nýliðar í íraska hernum úr röðum síja múslima, sem voru við þjálfun í búðunum þegar Ríki íslams náði Tikrit á sitt vald.
Líkum mannanna var ýmist hent út í ána Tígris eða þau grafin í fjöldagröfum, sem fundust eftir að íraski stjórnaherinn náði borginni á sitt vald ári síðar.