Húsgagnahöllin, húsgagna- og gjafavöruverslun, býður upp á gæðavörur á góðu verði. Vöruúrval Húsgagnahallarinnar einkennist af fallegum hágæða húsgögnum og skrautmunum sem fegra heimilið. Heimsþekkt vörumerki prýða glæsilegan sýningarsal Húsgagnahallarinnar og láta vörurnar engan ósnortinn, enda fátt sem gleður augað jafn mikið og vel hönnuð og smekklega innréttuð rými.

Seint á síðasta ári leit nýtt vörumerki dagsins ljós í verslunum Húsgagnahallarinnar sem staðsettar eru á Bíldshöfða, Akureyri og Ísafirði. Merkið heitir Kare Design og státar af heillandi húsgögnum og frumlegum skrautmunum í alls konar litum og formum sem vekja hrifningu allra fagurkera. Vörurnar frá Kare Design sóma sér vel inni á íslenskum heimilum og er Húsgagnahöllin spennt að kynna vörurnar til leiks fyrir landsmönnum öllum.

Vörurnar frá Kare Design hafa rokselst síðastliðið ár. mbl.is/Eggert Jóhannesson

„Í rúmt ár höfum við verið með vörurnar frá Kare Design í sölu hjá okkur og viðtökurnar hafa verið alveg hreint ótrúlegar. Við höfum aldrei séð eins miklar vinsældir,“ segir Hulda Rós Hákonardóttir, innkaupastjóri smávöru hjá Húsgagnahöllinni.

„Fyrst héldum við kannski að vörurnar væru of djarfar fyrir íslenskan markað en á sama tíma fannst okkur þær svo töff og skemmtilegar svo við létum slag standa og prófuðum að taka þær inn. Við sjáum ekki eftir því – þær hafa algerlega slegið í gegn og er augljóst að þessir óhefðbundu og litaglöðu hlutir gera tilveruna skemmtilegri inni á mörgum heimilum,“ segir Hulda.

Smelltu hér til að sjá vöruúrval Kare Design hjá Húsgagnahöllinni. 

Færðu lit í tilveruna

Kare Design er skemmtilegt og vandað vörumerki frá Þýskalandi sem hefur orðið vinsælla með hverjum deginum. Um rótgróið og flott merki er að ræða en það var stofnað árið 1981. Óhætt er að segja að vörurnar frá Kare Design séu skemmtilegar og fangi augað – þær eru oftar en ekki litríkar og svolítið öðruvísi enda er leikgleði ávallt höfð að leiðarljósi hjá Kare Design. 

„Hugmyndafræði Kare snýst um að færa lit í tilveruna, ekki alltaf vera í norminu heldur skreyta heimilið með lifandi, litríkum og skemmtilegum vörum. Húsgögn, ljós, lampar, mottur og fallegir skrautmunir sem fanga athyglina eru þar í aðalhlutverki,“ lýsir Hulda.

Frumlegir og óheðbundir skrautmunir einkenna vörulínuna frá Kare Design. mbl.is/Eggert Jóhannesson

Stofnendur fyrirtækisins eru þeir Jürgen Reiter og Peter Schönhofen. Frá upphafi hafa þeir viljað framleiða vönduð húsgögn og muni á viðráðanlegu verði sem lífga upp á híbýli fólks. Þeir segja markmiðið ætíð hafa verið að skera sig úr fjöldanum og skapa spennandi vörur fyrir fagurkera. Það má með sanni segja að þeim hafi tekist vel til því vörur Kare Design eru allt annað en dauflegar, þvert á móti eru þær frumlegar og flottar og veita fólki innblástur til að skapa sér spennandi rými inni á heimilinu.

Smelltu hér til að skoða vörubækling Kare Design á stafrænu formi.

Fallegar og framandi hágæða vörur

Vörulínan er stór og fjölbreytt en hún hefur að geyma allt frá stórum húsgögnum að ljósum og lömpum, speglum, mottum, styttum og öðrum skrautmunum. Það sem einkennir vörulínuna er að hönnunin er oftast svolítið óvenjuleg og kemur gjarnan á óvart.

Jürgen og Peter segja litríka persónuleika sem þora að stíga út fyrir boxið starfa hjá Kare Design og að það endurspeglist í hönnuninni. Teymið hjá Kare Design hefur gaman af því að bregðast við nýjustu stefnum og straumum í hönnunarheiminum en leggja áherslu á að týnast ekki í fjöldanum, vörurnar eru þess vegna alltaf öðruvísi og einstakar. 

Litadýrðin í vörum Kare design gleður augað og fegrar heimilið á svo skemmtilegan og heillandi hátt. mbl.is/Eggert Jóhannesson

Njóttu þess að vera heima

Jürgen og Peter eru sammála um mikilvægi þess að fólki líði vel heima hjá sér. Þeir segja að heimilið eigi að vera griðastaður sem veitir vellíðan og að þess vegna skipti gríðarlega miklu máli að heimilið sé fallegt, skemmtilegt og endurspegli persónuleika íbúanna. Þeir benda á að heimilið hafi mikil áhrif á andlega líðan og því sé notalegt og vel innréttað heimili ómetanlegt. 

Stofustássið frá Kare Design setur algerlega punktinn yfir i-ið. mbl.is/Eggert Jóhannesson

„Þetta er ástæðan fyrir því að Kare Design hefur einsett sér að gera fólki kleift að tjá persónuleika sinn inni á heimilinu og skapa sér fallegt og skemmtilegt rými sem veitir vellíðan,“ útskýrir Hulda og hvetur alla til að gera sér ferð í Húsgagnahöllina. 

„Þið verðið ekki fyrir vonbrigðum með það að gera ykkur ferð til okkar í Húsgagnahöllina til að berja þessa nýjustu viðbót augum og upplifa alla þessa dýrð á eigin skinni,“ segir Hulda að lokum.

Þær Guðný Sigurþórsdóttir, útstillingahönnuður, og Hulda Rós Hákonardóttir, innkaupastjóri smávöru, segja gylltu górilluna mjög vinsæla fyrir myndatökur. mbl.is/Eggert Jóhannesson