Ein manneskja er í haldi tyrkneskra yfirvalda vegna sjálfsmorðsárásarinnar í Istanbúl sem varð tíu manns að bana í gær.

„Ein manneskja var handtekin í aðgerðum okkar í gærkvöldi. Rannsóknin er í fullum gangi,“ sagði Efkan Ala, innanríkisráðherra Tyrklands, á blaðamannafundi.

Þjóðverjar voru ekki skotmarkið

Flestir þeirra sem dóu voru þýskir ferðamenn. Thomas d Maiziere, innanríkisráðherra Þýskalands, sagði á sama blaðamannafundi að ekkert bendi til þess að sjálfsmorðsárásinni hafi verið beint sérstaklega gegn Þjóðverjum.

Hann bætti við að engin ástæða væri fyrir Þjóðverja að hætta við ferðalög til Tyrklands vegna árásarinnar.

„Á þessu stigi rannsóknarinnar er ekkert sem bendir til þess að árásinni hafi verið beint gegn Þjóðverjum. Ég sé enga ástæðu til þess að hætta við ferðir til Tyrklands,“ sagði hann.

Tengdar fréttir

Sprengjuárás í Istanbúl

Ráðist gegn Kúrdum

• Sjö handteknir vegna sjálfsmorðsárásar
• Fylgjast með 74 hryðjuverkamönnum
• Handtóku 68 liðsmenn Ríkis íslams
• Bjóða afbókanir á ferðum til Istanbúl

» Fleiri tengdar fréttir

• Blogga um frétt