Flóð og aurskriður eftir fossandi regn hafa orðið að minnsta kosti fimmtíu manns að bana í Nepal síðan á fimmtudag. Tuga til viðbótar er saknað, segja yfirvöld í landinu.
Regntímabilið frá júní og fram í september kostar mörg líf og mikla eyðileggingu í Suður-Asíu á hverju ári. Á Indlandi hafa ellefu látist vegna rigninga undanfarinna daga í norðausturhluta landsins. Gista 20 þúsund manns í bráðabirgðabúðum í fylkinu Assam, sem hefur orðið illa úti.
Búist er við að vatnsmagn í ám Nepal verði aftur orðið eðlilegt á morgun.