Kim Jong Un sést loks opinberlega
Setja bókamerki
Kim Jong Un, leiðtogi Norður-Kóreu, var viðstaddur opnun áburðarverksmiðju í dag, samkvæmt frétt KCNA, ríkisfjölmiðils landsins. En þetta er í fyrsta skipti sem greint er frá því að hann hafi komið fram opinberlega frá því sögusagnir fóru á kreik um miðjan síðasta mánuð að hann væri ekki heill heilsu. AFP-fréttastofan greinir frá.
Í frétt KNCA kom fram að brotist hefðu út mikil fagnaðarlæti þegar leiðtoginn lét sjá sig og hrópað hefði verið margfalt húrra fyrir honum.
Kim hefur ekki sést opinberlega frá því á fundi Kommúnistaflokksins 11. apríl síðastliðinn, en daginn eftir var hann sagður hafa yfirfarið orrustuþotu.
Ýmsar getgátur hafa verið settar fram um heilsufar hans eftir að hann mætti ekki á hátíðahöld vegna afmælis afa hans, Kim Il Sung, sem er talinn merkilegasti dagur ársins í Norður-Kóreu. Var hann meðal annars sagður hafa gengist undir hjartaaðgerð og væri þungt haldinn, jafnvel látinn.
Öryggisráðgjafi Moon Jae-on, forseta Suður-Kóreu, fullyrti þó fyrir tæpri viku að Kim væri á lífi og við góða heilsu. Það dró aðeins úr vangaveltum um líkamlegt ástand hans.
Átta létust og 229 slösuðust alvarlega
Olíufélögin fái milljarða í afslátt frá borginni
Ráðherrar taki „lúku úr ríkiskassanum“
Ótímabundin leyfi verði líklega ekki gefin út
Um 5.000 milljarðar í enduruppbyggingu
Halla svarar fyrir útgjöldin hjá Orkustofnun
Verkfallsaðgerðir á Keflavíkurflugvelli samþykktar
