Tesla hættir framleiðslu í tvær vikur
Setja bókamerki
Rafbílaframleiðandinn Tesla hefur tilkynnt að þeir muni hætta að mestu framleiðslu á bílum í verksmiðju sinni í Þýskalandi næstu tvær vikurnar.
Ástæðu þessa segir Tesla vera skort á einingum í farartækin vegna árása Húta á flutningaskip á Rauðahafi.
Röskun vegna árása Húta
Tilkynning Tesla fór í loftið nokkrum klukkustundum áður en Bandaríkin og Bretland tilkynntu um að þau hefðu ráðist á uppreisnarmenn Húta. Voru árásirnar gerðar til að bregðast við þeim röskunum sem orðið hafa á flutningum um heimshöfin vegna árása Húta.
Tesla segir að verksmiðja þeirra muni keyra áfram á fullu afli 12. febrúar.
Lengri siglingaleiðir notaðar
Allt frá því ófriður hófst milli Ísrael og Hamas hafa Hútar ráðist bæði á fraktskip og herskip á Rauðahafi. Þeir segja árásirnar gerðar til stuðnings málstaðs Palestínumanna á Gasa.
Afleiðing þess hefur verið sú að mörg skipafélög forðast leiðina um Súesskurð og fara þess í stað mun lengri leið fyrir strendur Afríku til þess að koma vörum á milli Asíu og Evrópu.
Verksmiðja Tesla hóf starfsemi rétt fyrir utan Berlín árið 2022 og þar starfa um 11.500 manns. Á ári hverju eru framleiddir um 250.000 bílar í verksmiðjunni og er markmið Tesla að tvöfalda framleiðsluna innan skamms.
90% samþykktu verkfallsaðgerðir
Tveir milljarðar tapast vegna vatnsskorts
Hluti peninganna kominn í leitirnar
Dómari vanhæfur í Hvammsvirkjunarmáli
Skila vonandi tillögum til dómsmálaráðherra í dag
229 slösuðust alvarlega í umferðinni