Færri stöður grunn- og leikskólakennara eru auglýstar til umsóknar hjá sveitarfélögum á höfuðborgarsvæðinu en á sama tíma í fyrra.
Kópavogur er eina sveitarfélagið sem auglýsir fleiri stöður til umsóknar en fyrir ári, að því er fram kemur í fréttaskýringu um stöðu grunnskólanna í Morgunblaðinu í dag.
Í heildina eru rúmlega 84 stöður leik- og grunnskólakennara auglýstar. Í Reykjavík er staðan talsvert betri en í fyrra ef mið er tekið af auglýstum stöðum á vef borgarinnar. Auglýstar eru stöður 12 grunnskólakennara og 22 stöður leikskólakennara. Í fyrra voru auglýst 44 stöðugildi leikskólakennara og 12 stöðugildi grunnskólakennara í Reykjavík.