Allir fjórtán skipverjar línubátsins Valdimars GK hafa greinst með kórónuveiruna. Þetta staðfestir Jóhann K. Jóhannsson, samskiptastjóri almannavarnadeildar, í samtali við mbl.is.

Jóhann segir skipverjana hafa farið í sýnatöku í dag og að útgerðin sem gerir út Valdimar GK hafi verið í samstarfi við sóttvarnalækni og almannavarnir vegna málsins. 

Viljinn greinir frá því að grunur um smit hafi fyrst komið upp á fimmtudag þegar báturinn var að veiðum út af Suðurlandi. Haft var samband við sóttvarnalækni og viðbragðsáætlun fiskiskipa vegna faraldursins virkjuð. Í kjölfarið var haldið til lands og áhöfnin fór í sýnatöku hjá Heilbrigðisstofnun Suðurnesja fyrr í dag. Skipverjarnir eru allir komnir í einangrun. 

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt