Urriðatröll á land úr Veiðivötnum

Friðrik Þórarinsson með stærsta fisk sumarsins úr Veiðivötnum.
Friðrik Þórarinsson með stærsta fisk sumarsins úr Veiðivötnum. Ljósmynd/Aðsend

Í miklum norðanhvelli og sandbyl síðastliðinn laugardag veiddist stærsti urriði sumarsins úr Veiðivötnum og jafnframt sá næststærsti sem veiðst hefur á stöng í vötnunum frá því skipulegar skráningar hófust. Stangveiðitímabilinu er nú lokið og netaveiðar taka við.

Það var Friðrik Þórarinsson sem þann 17. ágúst fékk þennan stærsta fisk sumarsin á beitu úr  Grænavatni. Hann  var veginn 8,02 kíló (16,06 pund) og mældur 74 cm að lengd og var belgmikill því hann mældist 79 cm að ummáli. Þetta er annar þyngsti fiskur sem veiðst hefur á stöng í Veiðivötnum. 

Stangveiðitímabilinu lauk í Veiðivötnum á miðvikudaginn og tekur við netaveiðitími landeigenda sem stendur næstu þrjár til fjórar vikur.

Alls fengust 20.393 fiskar á stöng í sumar, 9659 urriðar og 10.734 bleikjur. Þetta er svipaður afli á stangveiðitímanum og undanfarin ár að er fram kemur í samantekt frá veiðivörðum við vötnin.

Veiðin glæddist mikið í síðustu veiðivikunni frá illviðravikunni á undan. Alls komu 1196 fiskar á land þá vikuna, þar af 640 urriðar úr Litlasjó og 157 úr Hraunvötnum. Þetta voru jafnframt aflahæstu vötnin vikunnar.

Flestir fiskar hafa komið á land úr Snjóölduvatni, 5649 á þessu veiðitímabili og úr Litlasjó hafa fengist 4502 fiskar.

Fleiri stórir fiskar fengust úr Grænavatni í þessari síðustu viku, tveir 14  til 15 punda auk þessa stóra sem Friðrik fékk. Meðalþyngd afla úr vötnunum er nú 1,34 pund en mesta meðalþyngd var í Grænavatni 2,97 pund. Einnig var góð meðalþyngd úr Ónýtavatni fremra, Arnarpolli, Hraunvötnum og Litlasjó.

Nánar má kynna sér þessa samantekt hér.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
103 cm Mýrarkvísl Matthías Þór Hákonarson 30. september 30.9.
103 cm Stóra Laxá Ársæll Þór Bjarnason 29. september 29.9.
101 cm Stóra Laxá Friðjón Mar Sveinbjörnsson 28. september 28.9.
100 cm Víðidalsá Nils Folmer Jörgensen 26. september 26.9.
104 cm Víðidalsá Þorsteinn Sverrisson 25. september 25.9.
101 cm Snæfoksstaðir Sigurður Þór Sigurðsson 23. september 23.9.
107 cm Víðidalsá Kristján Jónsson 23. september 23.9.

Skoða meira