Hafþór Bjarni Bjarnason og félagar fóru til silungsveiða í Elliðaánum í dag og fengu óvæntan happadrátt. Þeir voru að kasta þurrflugu fyrir urriða og skyndilega tekur góður fiskur fluguna. Það síðasta sem þeir áttu von á var lax.
Þeir höfðu landað einum urriða í Höfuðhyl, sem er efsti veiðistaður í Elliðaánum. Þeir færðu sig nokkru neðar, eða í Ármót. „Við lönduðum þremur urriðum í Ármótum og fengum svo sextíu sentímetra lax. Þetta var ekki hoplax, en greinilega búinn að vera í ánni í einhvern tíma því hann var ekki silfurbjartur eins og maður á von á um þetta leyti,“ sagði kátur og ofurlítið hissa veiðimaður í samtali við Sporðaköst í kvöld, eftir að veiði lauk.
Síðustu ár hefur Reykvíkingur ársins fengið þann heiður að kasta fyrstur í Elliðaárnar. Nú er spurning hvort Hafþór Bjarni hefur ekki með þessu krækt í þann titil. Elliðaársérfræðingar sem Sporðaköst leituðu til í kvöld eru sammála um að þetta sé mjög sérstakt en kvitta upp á að þetta sé fyrsti laxinn.
Hafþór Bjarni Bjarnason er sonur fyrrverandi formanns SVFR, Bjarna Júlíussonar.
Árnar verða opnaðar formlega fyrir laxveiði á aðalsvæðinu hinn 20. júní.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |