SVFR tekur Miðá í Dölum á leigu

Ragnheiður varaformaður SVFR og Guðbrandur Þorkelsson formaður Fiskræktar- og veiðifélags …
Ragnheiður varaformaður SVFR og Guðbrandur Þorkelsson formaður Fiskræktar- og veiðifélags Miðdæla takast í hendur eftir undirritun um leigu á Miðá. Ljósmynd/SVFR

Stangaveiðifélag Reykjavíkur hefur samið um leigu á veiðirétti í Miðá í Dölum og Tunguá frá og með sumrinu 2022. Ragnheiður Thorsteinsson, varaformaður SVFR, og Guðbrandur Þorkelsson, formaður Fiskræktar-og veiðifélags Miðdæla, skrifuðu undir samning þess efnis í Miðskógi í Dölum í kvöld. Þetta kemur fram í yfirlýsingu sem SVFR hefur sent frá sér.

Ragnheiður segir Miðá vera mikinn feng fyrir félagið. „Við höfum fundið fyrir miklum áhuga á starfi SVFR og undanfarið hefur félagið stækkað. Ég fagna því mjög að geta boðið félagsmönnum veiðileyfi í Miðá og Tunguá; þriggja stanga veiðisvæði sem geymir bæði lax og sjóbleikjur. Stór hópur félagsmanna hefur kallað eftir fleiri svæðum eins og þessu, fallegri og aðgengilegri veiðiá með góðum húsakosti þar sem veiðimenn sjá um sig sjálfir. Þetta er eiginlega fullkomin félagsá fyrir okkur, þar sem fjölskyldur og veiðihópar geta notið lífsins til fulls,“ segir Ragnheiður.

Jóhann Gunnar Jóhannsson með fallegan haust lax úr Miðá. Þessi …
Jóhann Gunnar Jóhannsson með fallegan haust lax úr Miðá. Þessi veiddist í Kirkjuneshyl haustið 2016 og tók Sunray Shadow tveimur mínútum fyrir vaktarlok. Mældist 86 sentímetrar. Ljósmynd/Aðsend


Veiði hefst í Miðá þann 1. júlí og stendur út september. Félagsmenn geta sótt um veiðileyfi í félagaúthlutun, sem hefst þann 18. nóvember og stendur í viku. Að henni lokinni fara veiðileyfi í Miðá og Tunguá í almenna sölu þar sem félagsmenn njóta afsláttar af almennu verði. Nýir félagar njóta að sjálfsögðu sömu kjara og aðrir og einfalt er að ganga í félagið á vefsíðunni svfr.is.

mbl.is

Seinustu hundraðkallar sumarsins

Lengd á laxi Veiðisvæði Veiðimaður Dagsetning Dags.
100 cm Fossá Guðbjörn Gunnarsson 1. október 1.10.
101 cm Víðidalsá Nils Folmer Jörgensen 26. september 26.9.
104 cm Laxá í Dölum Sigurður Smárason 25. september 25.9.
100 cm Miðfjarðará Róbert G. Grímsson 24. september 24.9.
104 cm Stóra Laxá Rúnar Gauti Guðjónsson 23. september 23.9.
102 cm Víðidalsá/Fitjá Nils Folmer Jörgensen 19. september 19.9.
100 cm Eystri-Rangá Hannes Gústafsson 14. september 14.9.

Skoða meira