Breski leikarinn Robson Green veiddi í fyrsta skipti lax á hitch í Laxá á Ásum við upptökur á Sporðakastaþætti í fyrra. Þessi mjög svo reyndi veiðimaður þurfti að hlaupa á eftir laxinum og lengi vel hélt hann að þetta væri stórlax.
Robson naut leiðsagnar Sturlu Birgissonar rekstraraðila Ásanna. Þegar þetta myndbrot er skoðað vakna margar spurningar. Átti hann að taka fastar á laxinum? Eða gerði hann allt rétt þegar krókurinn var af stærð átján?
Hitchið að þessu sinni var örlítil plasttúpa af gerðinni Haugur. Hitch skautar í yfirborðinu þannig að veiðimaður sér tökuna og allar hreyfingar í námunda við hana ef fiskur er ógna flugunni. Áður en laxinn tók var hann búinn að skoða hana þrisvar sinnum og taugar voru þandar.
En það er gaman að fylgjast með stórleikaranum hlaupa niður með Laxá í miklu stresskasti.
Fleiri brot úr Sporðaköstum eru væntanleg hér á næstu dögum.
Eins og fyrr er það Steingrímur Jón Þórðarson sem annaðist kvikmyndatöku og klippingu.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |