Eftir frekar magurt sumar þegar kemur að hundraðköllum í laxveiðinni er september að skila mörgum slíkum. Við greindum frá einum slíkum í Miðfjarðará í vikunni sem Gunnar Pétursson veiddi. Daginn eftir kom annar í Miðfirðinum og mældist hann sléttir hundrað sentímetrar. Veiddist hann í Tangastreng nýja í Austurá.

Haraldur Eiríksson leyfir stórlaxinum sem Magnús Stephensen veiddi að jafna sig. Þessi 103 sentímetra lax veiddist í Uppgöngugili á svæði fjögur. Ljósmynd/MS

Mikill fiskur veiddist um svipað leiti í annarri Miðfjarðará, nefnilega í Bakkafirði. Sá fiskur mældist 104 sentímetrar og er sá stærsti sem veiðst hefur þar í sumar, en sem komið er. Sigurjón Gunnarsson veiddi hann í Netahyl og tók hann Rauðan Frances kón.

Hundrað sentímetra fiskur úr Miðfjarðará sem veiddist í Tangastreng nýja. Haustlitirnir skærir og hængurinn vígalegur. Ljósmynd/Aðsend

Stóra–Laxá í Hreppum stóð undir nafni þegar tveir hundraðkallar komu á land sama daginn. Báðir í fyrradal. Annar mældist 103 sentímetrar og veiddist í Uppgöngugili. Sá tók litla Collie Dog áltúbu. Veiðimaður var Magnús Stephensen og naut hann dyggrar aðstoðar frá Haraldi Eiríkssyni. Annar hundraðkall kom svo á land sama dag og veiddist hann í Bláhyl. Þar var að verki Reto Suremann. Leiðsögumaðurinn hans var Sindri Þór Kristjánsson.

Við höfum frétt af fleiri slíkum fiskum en bíðum staðfestingar og mynda. Þegar það liggur fyrir munu þeir rata inn á listann með hundraðköllunum.

Tengdar fréttir

Hundraðkallar

Tárfelldi þegar kassinn var opnaður

• Tröllin sem ekki veiddust og eftirpartý
• Katrín Tanja landaði þeim stærsta
• Stærsti lax úr Grímsá í áratugi
• Einn af glæstari sonum Laxár í Aðaldal

» Fleiri tengdar fréttir

• Blogga um frétt

Seinustu hundraðkallar sumarsins