Signý Pálsdóttir er fædd 11. mars 1950 í Reykjavík og ólst upp í Vesturbænum í hópi átta systkina, fyrst á Kvisthaga og síðan í Skerjafirði. „Við systkinin erum náin enda fædd á tæpra 13 ára tímabili. Við vorum að jafnaði send í sveit eftir síðasta skóladag og komum ekki aftur fyrr en skólar hófust að hausti.“ Signý dvaldi í sveit frá 6 ára aldri, fyrst fjögur sumur í aldargömlum torfbæ á Hurðarbaki á Ásum, síðan á Hofi í Vatnsdal, þá á Fitjum í Skorradal og 12 ára aftur á Hurðarbaki. Við tók svo margvísleg sumarvinna svo sem í síld, á keramikverkstæði, sjúkrahúsum og hótelum.
Meira