Steinþór Guðbjartsson steinthor@mbl.is Gísli Sigurbjörnsson, forstjóri Grundar í Reykjavík, naut aðstoðar Guðjóns Jónssonar við að laga rafmagnið á árum áður og frá áramótunum 2008/2009 hefur Guðjón, sem er 97 ára, búið á Grundarheimilinu Ási í Hveragerði. „Þegar ég var að læra rafvirkjun um miðjan fimmta áratuginn var ég stundum sendur á Grund, en þá átti ég ekki von á því að enda hérna, enda er ég bara rafvirki,“ segir hann.
Meira
