Steinþór Guðbjartsson steinthor@mbl.is Evrópumót ungmenna í skák verður haldið í Antalya í Tyrklandi 5.-15. nóvember. Skáksamband Íslands sendir 16 skákmenn til keppni, en að meðtöldum fararstjórum og forráðamönnum verða tæplega 40 manns í hópnum, sem Helgi Ólafsson stórmeistari leiðir. „Við mætum sterkustu krökkum í Evrópu og þetta verður erfitt en skemmtilegt,“ segir Benedikt Þórisson, sem er að verða 16 ára og tekur þátt í mótinu í þriðja sinn. Þórir Benediktsson, faðir hans, verður honum til aðstoðar.
Meira
