BRIDS - Guðmundur Páll Arnarson | dagbok@mbl.is

Hámarksöryggi.

Suður spilar sex lauf og fær út spaðakóng.

Hvernig er áætlunin? (Trompið er 2-1.)

Í hnotskurn er verkefni sagnhafa það eitt að búa til einn aukaslag á tígul. Sem er létt verk ef liturinn brotnar 3-3 eða 4-2. Aðeins 5-1 legan setur skjálfta í slemmuna, en með því að taka fyrst á ásinn má ráða við kónginn blankan í austur og ennfremur staka tíu eða gosa í vestur.

Best er að spila þannig: Drepið á spaðaás, lauf tekið tvisvar og tígulás lagður niður. Síðan er farið heim á hjartaás og tígulníu spilað að blindum. Þegar vestur hendir í slaginn, siglir nían yfir á gosa austurs og síðan má trompsvína fyrir kónginn (blindur á D8, en austur K7).