Þetta er endaraðhús, tvær hæðir og ris og 251,9 ferm. að stærð og með innbyggðum bílskúr. Húsið er með grónum og fallegum garði. Ásett verð er 45,8 millj. kr., en húsið er til sölu hjá fasteign.is.
Þetta er endaraðhús, tvær hæðir og ris og 251,9 ferm. að stærð og með innbyggðum bílskúr. Húsið er með grónum og fallegum garði. Ásett verð er 45,8 millj. kr., en húsið er til sölu hjá fasteign.is.
[ Smellið til að sjá stærri mynd ]
Reykjavík - Hjá fasteign.is er nú til sölu raðhús við Næfurás 1. Húsið er tvær hæðir og ris, 251,9 ferm. að stærð og með innbyggðum bílskúr.
Reykjavík - Hjá fasteign.is er nú til sölu raðhús við Næfurás 1. Húsið er tvær hæðir og ris, 251,9 ferm. að stærð og með innbyggðum bílskúr. "Þetta er fallegt endaraðhús, sem stendur á frábærum stað í Árbænum," segir Gísli Rafn Guðfinnsson hjá fasteign.is.

Anddyri er með skápum en eldhús með fallegri viðarinnréttingu úr hvíttuðum hlyn og með borðkrók. Granít er í borðplötum og flísar á milli skápa.

Gestasalerni er flísalagt í hólf og gólf. Stofa og borðstofa eru stórar með útgangi út á hellulagða vesturverönd. Tréstigi er á milli hæða.

Á efri hæð er hol með útgangi út á vestursvalir með frábæru útsýni yfir nánast alla borgina. Einnig er rúmgott barnaherbergi, sem var áður tvö herbergi og auðvelt að breyta aftur og annað stórt barnaherbergi með skápum. Hjónaherbergi er með skápum og þvottahús með innréttingu.

Baðherbergi er flísalagt í hólf og gólf og með hvítri innréttingu, baðkari og sturtuklefa. Í risi er óinnréttað 36,7 ferm. rými sem hægt væri að innrétta sem sjónvarpsherbergi.

Gólfefni eru gegnheilt beykiparket, teppi, dúkur og flísar.

Bílskúr er innbyggður með vatni, rafmagni og hita en hitalagnir í bílaplani. Garðurinn er gróinn og fallegur. "Þetta er mjög snyrtileg og vel umgengin eign á frábærum stað," sagði Gísli Rafn Guðfinnsson að lokum. Ásett verð er 45,8 millj. kr.