Brids - Guðmundur Páll Arnarson | ritstjorn@mbl.is

Þrjár svíningar.

Spaðagosinn kemur út og sagnhafi horfir fram á þrjár svíningar – í trompi, tígli og laufi. Alla vega tvær virðast þurfa að heppnast. Hverjar eru líkurnar á því?

Líkja má svíningum við krónukast. Sé kastað þrisvar upp eru mögulegar útkomur: (1) bergrisi, bergrisi, bergrisi; (2) bergrisi, bergrisi, þorskur; (3) bergrisi, þorskur, þorskur; (4) þorskur, þorskur, þorskur. Líkur á tveimur eða þremur risum eru því 50%. Og hið sama gildir um svíningar.

Nokkuð gott, en sagnhafi getur gert betur. Hann á að byrja á tígulsvíningunni. Þegar hún heppnast er best að taka ♥Á, henda tígli í ♠K, trompa út tígul og spaða, senda loks vörnina loks inn á ♥K. Svíningin í laufi er þá óþörf, því austur verður að spila spaða í tvöfalda eyðu eða finna ♣D.