Miðborgin Bærileg kjör eru undirstaða þess að lifa og njóta.
Miðborgin Bærileg kjör eru undirstaða þess að lifa og njóta. — Morgunblaðið/Golli
Kjarahópur Öryrkjabandalags Íslands sendi í vikunni frá sér áskorun til velferðar- og fjármálaráðuneytis og Landssambands eldri borgara um að eiga samstarf við ÖBÍ um að reikna út þá gliðnun kjara og skatta sem lífeyrisþegar hafi orðið fyrir frá í...

Kjarahópur Öryrkjabandalags Íslands sendi í vikunni frá sér áskorun til velferðar- og fjármálaráðuneytis og Landssambands eldri borgara um að eiga samstarf við ÖBÍ um að reikna út þá gliðnun kjara og skatta sem lífeyrisþegar hafi orðið fyrir frá í janúar 2008 til dagsins í dag. Þá ætti að setja fram hver örorku- og ellilífeyrir og skattleysismörk væru í dag hefðu þau fylgt launaþróun síðustu ára.

Ríkisstjórnin hefur ekki, segir ÖBÍ, leiðrétt kjaragliðnunina eins og forsvarsmenn hennar lofuðu fyrir síðustu alþingiskosningar. Ef þeir sem að þessum málum kæmu fengju sérfræðinga til útreikninga þá kæmi í ljós í eitt skipti fyrir öll hver staða lífeyrisþega væri.

„Fyrst ráðamenn fullyrða að þessi leiðrétting kjaragliðnunar hafi farið fram þá hljóta þeir að samþykkja niðurstöðuna án tafar ef í ljós kemur að lífeyrisþegar hafa haft rétt fyrir sér,“ segir ÖBÍ. Fylgir þar með að ef þetta yrði reiknað út þyrfti ríkisstjórnin að standa hratt við loforðin og greiða mismuninn fyrir 1. desember næstkomandi. sbs@mbl.is