Þorsteinn Fr. Sigurðsson
Þorsteinn Fr. Sigurðsson
Þorsteinn Fr. Sigurðsson rekstrarhagfræðingur hefur verið ráðinn framkvæmdastjóri Sjálfsbjargar, landssambands fatlaðra. Hann tekur við starfinu af Tryggva Friðjónssyni sem nú hverfur aftur til starfa sem framkvæmdastjóri Sjálfsbjargarheimilisins.

Þorsteinn Fr. Sigurðsson rekstrarhagfræðingur hefur verið ráðinn framkvæmdastjóri Sjálfsbjargar, landssambands fatlaðra. Hann tekur við starfinu af Tryggva Friðjónssyni sem nú hverfur aftur til starfa sem framkvæmdastjóri Sjálfsbjargarheimilisins.

Þorsteinn er menntaður rekstrarhagfræðingur auk þess sem hann hefur meistaragráðu í lögum. Síðustu mánuði hefur hann gegnt starfi verkefnastjóra hjá Sjálfsbjargarheimilinu. Áður var hann framkvæmdastjóri STARF – vinnumiðlun og ráðgjöf og framkvæmdastjóri Stjórnlagaráðs og framkvæmdastjóri Bandalags íslenskra skáta í 17 ár, það er frá 1992-2009.

„Þorsteinn hefur jafnframt víðtæka reynslu af félagsmálum og rekstri félagasamtaka og er því mikill fengur að fá hann til starfa fyrir Sjálfsbjörg,“ segir í fréttatilkynningu. sbs@mbl.is