Orkuboltar Kúlurnar eru sneisafullur af hollustu og orku.
Orkuboltar Kúlurnar eru sneisafullur af hollustu og orku. — Morgunblaðið/Tobba Marinós
Þessar kúlur eru alveg hreint frábærlega góðar og orkumiklar. Henta vel til að eiga í frystinum og bjóða með kaffinu, sem nasl í gönguferð eða handa litlum fingrum.

Þessar kúlur eru alveg hreint frábærlega góðar og orkumiklar. Henta vel til að eiga í frystinum og bjóða með kaffinu, sem nasl í gönguferð eða handa litlum fingrum.

2 bollar ferskar döðlur

3 msk kókos- eða avókadóolía

1 tsk vanilludropar eða duft

½ tsk salt

3 msk ósætt gott kakó

3 msk möndlusmjör

2 bolli gróft haframjöl

½ bolli kókosmjól

kókosmjöl til skreytingar

Maukið döðlur í blandara/matvinnsluvél ásamt olíu, möndlusmjöri og vanillu. Þegar það hefur blandast vel fara kakó og salt saman við.

Bætið í haframjöli og hnoðið saman í höndunum.

Blandan er frekar blaut í sér svo kælið hana í um klukkustund áður en kúlurnar eru mótaðar. Ef hún er of þurr má bæta smávegis olíu við.

Mótið litlar kúlur og rúllið upp úr kókosmjöli og kælið.