Valbjörn Þorláksson
Valbjörn Þorláksson
Valbjörn Þorláksson var einn af þekktustu frjálsíþróttamönnum Íslands á seinni hluta síðustu aldar. Valbjörn fæddist í Siglufirði 9. júní 1934.
Valbjörn Þorláksson var einn af þekktustu frjálsíþróttamönnum Íslands á seinni hluta síðustu aldar. Valbjörn fæddist í Siglufirði 9. júní 1934. Hann hóf íþróttaferilinn í knattspyrnu á Siglufirði og hélt því áfram í Keflavík eftir að fjölskyldan flutti þangað. Hann varð Íslandsmeistari með 2. flokki ÍBK. Valbjörn sneri sér fljótt að frjálsum íþróttum og varð mikill afreksmaður á því sviði, ekki síst í stangarstökki og tugþraut. Hann keppti með ÍR, Ármanni og KR og einnig fyrir hönd þjóðarinnar erlendis, meðal annars á þrennum Ólympíuleikum. Valbjörn var Íþróttamaður ársins 1959 og 1965, en seinna árið varð hann Norðurlandameistari í tugþraut. Síðar varð hann heimsmeistari í flokki öldunga. Valbjörn starfaði á Laugardalsvellinum í áratugi. Hann lést 3. desember 2009.