BORGAHVERFIÐ hefur yfir sér sérstakt yfirbragð. Landinu hallar til norðurs og þar er því geysi mikið útsýni út yfir sundin til Esjunnar. Hjá fasteignasölunni Hóli eru nú til sölu fullbúnar íbúðir í 4ra íbúða stigahúsi við Tröllaborgir 25. Byggingaraðili er Haraldur Eiríksson byggingameistari.
Nýjar íbúðir í Borgahverfi BORGAHVERFIÐ hefur yfir sér sérstakt yfirbragð. Landinu hallar til norðurs og þar er því geysi mikið útsýni út yfir sundin til Esjunnar. Hjá fasteignasölunni Hóli eru nú til sölu fullbúnar íbúðir í 4ra íbúða stigahúsi við Tröllaborgir 25. Byggingaraðili er Haraldur Eiríksson byggingameistari. Íbúðirnar eru tilbúnar til afhendingar nú þegar, en þeim er skilað fullbúnum að öllu leyti. Þær eru ýmist 3ja eða 4ra herb. og 105 eða 118 ferm að stærð. Íbúðunum fylgir 28 ferm. bílskúr. Verð á minni íbúðunum er 8,8 millj. kr., en 9,8 millj. kr. á þeim stærri. Þetta eru mjög rúmgóðar íbúðir," sagði Hjálmar Vilhjálmsson hjá Hóli. Þær eru tvær og tvær á hæð og standa á góðum útsýnisstað rétt við höggmyndagarð Reykjavíkurborgar. Íbúðirnar eru afar vandaðar með sérsmíðuðum gegnheilum harðviðarinnréttingum. Í eldhúsi er glæsileg innrétting með vönduðum eldhústækjum. Öll gólfefni eru líka af vönduðustu gerð. Þannig er merbeau- parket á gólfum íbúðanna og flísar í baðherbergi og þvottahúsi, sem er inn af eldhúsi. Stofan er stór með góðum svölum og miklu útsýni. Íbúðunum fylgir bílskúr, en hann er rúmgóður og með góðu vinnuherbergi inn af. Það er góð hreyfing á nýsmíðinni nú," sagði Hjálmar. Við hjá Hóli í Reykjavík og Hóli, Hafnarfirði höfum tekið hraustlega á nýbyggingunum í vor og munum halda því áfram í allt sumar. Þetta átak hefur skilað sér vel." TRÖLLABORGIR 25. Íbúðirnar eru ýmist 3ja eða 4ra herb. og 105 eða 118 ferm að stærð og þeim fylgir 28 ferm. bílskúr. Íbúðunum er skilað fullbúnum. Verð á minni íbúðunum er 8,8 millj. kr., en 9,8 millj. kr. á þeim stærri. Þær eru til sölu hjá Hóli.