HVER kannast við þessar myndir? Myndin af konunni er tekin af Eyjólfi Jónssyni á Seyðisfirði. Mynd af karli og konu er tekin af Ólafi Oddssyni á Fáskrúðsfirði. Þeir sem kannast við þessar myndir hafi samband við Jónu í síma 5611702.
Hver kannast við myndirnar?

HVER kannast við þessar myndir? Myndin af konunni er tekin af Eyjólfi Jónssyni á Seyðisfirði. Mynd af karli og konu er tekin af Ólafi Oddssyni á Fáskrúðsfirði. Þeir sem kannast við þessar myndir hafi samband við Jónu í síma 561 1702.

Afkáraleg skilti á Þingvöllum

FYRIR þó nokkru síðan rakst ég á skilti við heimreiðina að kirkjunni á þingvöllum. Þar stendur: "Vinsamlegast látið bifreiðar eftir utan hliðs og gangið heim á staðinn". Vakti ég máls á þessu fyrir 3 árum síðan, en ekkert virðist hafa komið út úr því og skiltið er ennþá. Skiltið er þar sem maður gengur frá Peningagjánni og heim að kirkjunni. Finnst mér þetta mjög afkáralegt á þessum stað. Á öðru skilti á Þingvöllum stendur "Tjöldun bönnuð". Langar mig að fá úr því skorið á hverju þetta byggist. Er þetta bein þýðing úr ensku? Finnst mér þetta afkáralegt orðalag, sérstaklega á þessum stað. Er einhver sem getur útskýrt hvers vegna þetta orðalag er notað?

Ferðalangur. Þakkir til Nóatúns

ÉG vil koma á framfæri þakklæti mínu til verslunarinnar Nóatúns í Hamraborg fyrir frábæra þjónusta. Verslunarstjórinn útbjó og sendi mat í Þórsmörk fyrir gönguhóp sem var þar á ferð. Var hópurinn mjög ánægður með afburða góða þjónustu.

Guðrún.

Læknaskýrsla lak út

ÉG varð fyrir þeirri reynslu að upplýsingar á læknaskýrslu dóttur minnar láku út. Frétti ég frá ættingja mínum, sem hafði verið með saumaklúbb, að starfsstúlka á heilsugæslustöðinni minni hefði í saumaklúbbnum sagt frá upplýsingum um dóttur mína sem var trúnaðarmál milli hennar og læknis hennar. Mín fjölskylda fer ekki lengur á þessa heilsugæslustöð, hefur ekki gert það í nokkur ár, heldur leitum við til læknis annars staðar því við treystum ekki starfsfólki heilsugæslustöðvarinnar vegna þessarar slæmu reynslu. Það eru margir sem hafa aðgang að læknaskýrslum heilsugæslustöðvanna og af slæmri reynslu er ég á móti svonefndum gagnagrunni.

Reið móðir. Tapað/fundið

Fílófax týndist

FÍLÓFAX týndist sl. laugardagskvöld á Nikkabar. Skilvís finnandi skili til eiganda. Fundarlaun.

Myndavél týndist á Fylkisvelli

MYNDAVÉL týndist á Fylkisvellinum laugardaginn 22. ágúst. Skilvís finnandi komi henni í Fylkishöllina eða hafi samband í síma 567 2633. Fundarlaun.

GSM-sími týndist

PHILIPS Biga GSM-sími týndist sl. laugardagskvöld sennilega í miðbænum. Skilvís finanndi hafi samband í síma 554 1467, Sigurður.

Húslyklar týndust í Árbæjarhverfi

HÚSLYKLAR merktir Vallarási 1 týndust aðfaranótt fimmtudags frá Blásteini í Árbæjarhverfi niður eftir Rofabænum. Skilvís finnandi hafi samband í síma 557 7735.

Dýrahald

Svartur fress týndur

ALSVARTUR styggur fressköttur týndist frá Neðri-Hraunbæ fyrir 3 vikum. Ef einhver hefur orðið hans var, vinsamlega hafið samband í síma 587 7709.