ÍVAR NÍELSSON

Sveinn Ívar Níelsson fæddist í Þingeyraseli 29. desember 1912. Hann varð bráðkvaddur á heimili sínu 23. apríl síðastliðinn. Foreldrar hans voru Níels Hafstein Sveinsson, f. 18. október 1876 á Læk á Skagaströnd, d. 22. október 1930, og Halldóra Ívarsdóttir, f. 12. marz 1887 á Skeggstöðum í Vindhælishreppi, d. 19. október 1967. Systkini Ívars voru: Jóhanna Gíslína, f. 17. desember 1914, d. 1940, María Guðrún, f. 11. september 1916, d. 1973, Ingibjörg Jónína, f. 23. febrúar 1918, Rósa Aðalheiður, f. 18. ágúst 1920, d. 1997, Ingunn Helga, f. 17. desember 1923, Helga Heiðbjört, f. 14. apríl 1926, og Elsa Péturína, f. 2. apríl 1930.

Ívar eignaðist son með Þóreyju Jónsdóttur, Jón Ólaf, f. 10. janúar 1934, skipstjóra á Skagaströnd. Jón Ólafur er kvæntur Guðrúnu Sigurðardóttur og þeirra börn eru: Þórey, Hallbjörg, Sigrún og Ingvar. Barnabörn Jóns Ólafs og Guðrúnar eru orðin sjö talsins.

Hinn 28. ágúst 1949 kvæntist Ívar eftirlifandi konu sinni, Guðrúnu Sigfúsdóttur frá Forsæludal, f. 18. maí 1924. Þau eignuðust átta börn sem komust á legg: a) Sigríður, f. 11. júní 1945, bóndi, gift Ármanni Olgeirssyni. Þeirra börn eru Jóna Guðrún, í sambúð með Jóhanni Ragnarssyni og eiga þau tvö börn, og Benedikt Geir, í sambúð með Heiðu Húnfjörð. b) Sigfús Hafsteinn, f. 18. júní 1947, bílstjóri, kvæntur Elísabetu Halldórsdóttur. Sonur þeirra er Halldór. c) Halldóra, f. 27. nóvember 1949, skrifstofumaður, í sambúð með Páli Sigurðssyni. Halldóra á eina dóttur, Guðrúnu Berglindi, frá fyrra hjónabandi. d) María Jóhanna, f. 5. júní 1952, sölufulltrúi, gift Símoni H. Ívarssyni. Þeirra börn eru Ívar og Svandís Ósk. e) Níels, f. 18. janúar 1954, bóndi, kvæntur Jónínu Skúladóttur. Þeirra börn eru Skúli Már, Guðrún Ósk, Helga Rós og uppeldisdóttir Sigrún Eva, dóttir Jónínu. Níels á son frá fyrri sambúð, Friðbjörn Ívar. f) Ólafur Gunnar, f. 22. október 1955, verkstjóri, kvæntur Sigríði Fossdal. Þeirra börn eru Sandra Rós, Ívar Ari og Gunnar Bjarki. g) Hermann Jónas, f. 16. ágúst 1957, lögreglumaður, kvæntur Sigurbjörgu Dagbjörtu Jónsdóttur. Þeirra börn eru Jón Ívar og Björn Þór. h) Sigurður Helgi, f. 14. desember 1963, innkaupastjóri, í sambúð með Ásdísi S. Jónsdóttur. Þeirra börn eru Ásrún Dóra, Dagrún Björk, Heiðrún Sunna og Róbert Ingi. Sigurður á fyrir dóttur sem heitir Hildur. Barnabörn Ívars eru nú orðin 24 og barnabarnabörn níu talsins.

Ívar og Guðrún hófu sambúð 1944 og bjuggu í Vatnsdal öll sín búskaparár, lengst af á Flögu árin 1962 til 1989. Þau brugðu búi og fluttust til Hvammstanga 1989, þar sem þau héldu heimili síðan.

Útför Ívars fer fram frá Hvammstangakirkju í dag og hefst athöfnin klukkan 14.