GUÐLEIF JÓNSDÓTTIR

Guðleif Jónsdóttir fæddist að Lundum í Stafholtstungum 5. febrúar 1908. Hún lést á Dvalarheimili aldraðra í Borgarnesi 15. maí síðastliðinn. Foreldrar hennar voru Ingigerður Kristjánsdóttir, f. 27. ágúst 1877, d. 12. janúar 1969, og Jón Gunnarsson, f. 3. ágúst 1877, d. 30.júlí 1960. Systkini Guðleifar eru Kristján, f. 30.11. 1901, d. 11.2. 1978, Sæmundur, f. 7.9. 1904, Páll, f. 20.6. 1909, d. 27.5. 1985, Gunnar, f. 2.4. 1913, og Gunnhildur, f. 2.2. 1918. Í september 1932 giftist Guðleif Ólafi Þórðarsyni járnsmið, f. 2. nóvember 1898, d. 31. ágúst 1963. Þau hófu búskap sinn í Reykjavík, en fluttu í Borgarnes 1935 þar sem þau reistu sér hús að Egilsgötu 6 þar sem Ólafur rak járnsmiðju allt til æviloka. Þar bjó Guðleif þangað til fyrir rúmum tveimur árum að hún flutti á Dvalarheimili aldraðra í Borgarnesi. Guðleif og Ólafur eignuðust eina dóttur, Ásu, f. 5.10. 1933, gift Kristjáni Ólafssyni, f. 9.5. 1928. Dóttir þeirra er Ólöf, f. 3.7. 1964. Hennar sonur er Kristján Andri, f. 18.6. 1996. Dóttir Ásu og Guðmundar Þórðarsonar er Sigrún, f. 21.8. 1951, gift Sigurjóni Ólafssyni, f. 29.5. 1948. Dætur þeirra eru Svandís Ása, f. 16.3. 1971, og Sandra Björg, f. 18.3. 1985. Útför Guðleifar fer fram frá Borgarneskirkju í dag og hefst athöfnin klukkan 14.