Ásta Hávarðardóttir, Jón Loftsson og Ingibjörg Loftsdóttir sem eru gefendur að þessu málverki eftir Gísla Sigurðsson í minningu um Loft Jónsson, til hægri á myndinni eru Arthúr Farestveit, sr. Hans Markús Hafsteinsson sóknarprestur og sr. Friðrik Hjartar,
Ásta Hávarðardóttir, Jón Loftsson og Ingibjörg Loftsdóttir sem eru gefendur að þessu málverki eftir Gísla Sigurðsson í minningu um Loft Jónsson, til hægri á myndinni eru Arthúr Farestveit, sr. Hans Markús Hafsteinsson sóknarprestur og sr. Friðrik Hjartar,
GARÐASÓKN var fært að gjöf veglegt málverk eftir Gísla Sigurðsson. Er málverkið gefið í minningu Lofts Jónssonar, sem lést 21. apríl 1999. Afhendingardagur verksins er einmitt afmælisdagur Lofts heitins.

GARÐASÓKN var fært að gjöf veglegt málverk eftir Gísla Sigurðsson. Er málverkið gefið í minningu Lofts Jónssonar, sem lést 21. apríl 1999. Afhendingardagur verksins er einmitt afmælisdagur Lofts heitins.

Verk þetta ber yfirskriftina "Þér hafið gjört það að ræningjabæli." Sýnir verkið þá stund þegar Jesús velti um borði víxlaranna í musterinu forðum, en verkið sýnir okkur einnig hvernig hið góða lætur undan gróðabraski og mætti hervaldsins.

Er umfjöllun verksins all nýstárleg, en það er málað á árunum 1982-84. Gefendur eru ekkja Jóns, Ásta Hávarðardóttir og börn þeirra hjóna, Ingibjörg og Jón. Eru gefendum færðar hjartans þakkir frá sóknarnefnd og sóknarbörnum Garðasóknar fyrir þessa höfðinglegu gjöf og hefur málverkið fengið veglegan sess í safnaðarheimili Vídalínskirkju, Kirkjuhvoli. Þau hjón Ásta og Loftur hafa alla tíð sýnt starfinu okkar í kirkjunni áhuga og tekið þátt í því af einlægni meðan heilsa Lofts leyfði.

Hans Markús Hafsteinsson,

sóknarprestur.

Dymbilvika og páskar í Hallgrímskirkju

Í dymbilviku og á páskum verður að vanda mikið um að vera í Hallgrímskirkju. Á pálmasunnudag verður síðasti fræðslumorgunninn að þessu sinni, en kl. 10 mun dr. Einar Sigurbjörnsson prófessor flytja erindi er hann nefnir Kirkja Krists - eining og aðgreining. Kl. 11 verður messa og barnastarf. Börnin munu ganga inn með trjágreinar úr náttúrunni til að minna á atburð pálmasunnudags. Félagar úr Mótettukór Hallgrímskirkju syngja undir stjórn Harðar Áskelssonar, kantors. Þriðjudaginn 18. apríl verður fyrirbænaguðsþjónusta kl. 10.30 árdegis. Miðvikudaginn 19. apríl verður fyrri flutningur Jóhannesarpassíunnar eftir J.S. Bach, en hún verður einnig flutt að kvöldi föstudagsins langa kl. 20 báða dagana. Flytjendur verða: Mótettukórinn, einsöngvararnir Marta G. Halldórsdóttir, sópran og Gunnar Guðbjörnsson, tenór og Kammersveit Hallgrímskirkju.

Stjórnandi verður Hörður Áskelsson, kantor. Á skírdag verður skátaguðsþjónusta kl. 11 en að öðru leyti verður helgihaldið hefðbundið um bænadagana, þ.e. kvöldmessa með Getsemane-stund kl. 20 á skírdag og guðsþjónusta kl. 11 á föstudaginn langa.

Á föstudaginn langa verður þeirri hefð haldið að lesa alla Passíusálma sr. Hallgríms Péturssonar, en lesturinn hefst kl. 13 og stendur til 18.30. Að þessu sinni munu 12 niðjar sr. Hallgríms og Guðríðar lesa sálmana, en milli lestra verður flutt tónlist. Steinunn Jóhannesdóttir, rithöfundur, valdi lesara.

Á páskadag verða tvær morgunmessur, kl. 8 og 11. Í báðum messunum mun Mótettukórinn flytja Hallelújakórinn úr oratoríunni "Messías" eftir F. Händel undir stjórn kantors kirkjunnar. Á annan páskadag verður hátíðarmessa kl. 11 með fermingu.

Páskabingó í Hjallakirkju

Páskabingó verður í safnaðarheimili Hjallakirkju, efri hæð, mánudaginn 17. apríl. Bingóið hefst kl. 20 og eru allir velkomnir, ungir sem aldnir. Bingóvinningar eru margvíslegir; páskaegg, páskaskraut, sælgætiskörfur og fleira. Bingóspjaldið kostar 200 kr. Safnaðarfólk, sem og aðrir, er hvatt til að mæta.

Páskaeggjabingó í Grafarvogskirkju

Safnaðarfélag Grafarvogskirkju heldur sitt árlega páskaeggjabingó næstkomandi mánudag kl. 20.

Allur ágóði rennur til kirkjubyggingarinnar. Á undanförnum árum hefur Safnaðarfélagið gefið kirkjunni marga fallega kirkjugripi, hökla, altarisgripi o.fl. Við vígslu Grafarvogskirkju hinn 18. júní nk. gefur félagið söfnuðinum fullbúið eldhús í safnaðarheimili kirkjunnar og altarisgripi.

Bústaðakirkja. TTT, æskulýðsstarf fyrir 10-12 ára, mánudag kl. 17.

Friðrikskapella. Kyrrðarstund í hádegi á morgun, mánudag. Léttur málsverður í gamla félagsheimilinu að stundinni lokinni.

Háteigskirkja . Kirkjukvöld mánudag kl. 20.30. Í fórspor Krists. Margir höstuðu á hann. Þjáningar í lífi ungs fólks. Einar Már Guðmundsson, rithöfundur. Hamrahlíðarkórinn syngur undir stjórn Þorgerðar Ingólfsdóttur.

Langholtskirkja . Bænagjörð mánudag kl. 18. Ritningarlestur og lestur Passíusálms.

Laugarneskirkja. Morgunbænir mánudag kl. 6.45. Mánudagskvöld kl. 20. 12 spora hópurinn.

Seltjarnarneskirkja. Æskulýðsfélagið kl. 20-22.

Árbæjarkirkja. Yngri deild æskulýðsfélagsins kl. 20-22. Kirkjuprakkarar, 7-9 ára, kl. 16-17 á mánudögum.TTT-starf 10-12 ára, kl. 17-18 á mánudögum. Eldri deild æskulýðsfélagsins kl. 20-22.

Fella- og Hólakirkja. Starf fyrir 9-10 ára drengi á mánudögum kl. 17-18. Æskulýðsstarf fyrir 9.-10. bekk á mánudögum kl. 20-22.

Grafarvogskirkja. Bænahópur kl. 20. Tekið er við bænarefnum í kirkjunni alla daga frá kl. 9-17 í síma 587-9070.

Hjallakirkja. Æskulýðsfélag fyrir unglinga 13-15 ára kl. 20.30 á mánudögum. Prédikunarklúbbur presta í Reykjavíkurprófastsdæmi eystra er á þriðjudögum kl. 9.15-10.30. Umsjón dr. Sigurjón Árni Eyjólfsson.

Kópavogskirkja. Mömmu- og pabbamorgunn þriðjudag kl. 10 í Borgum. Kyrrðar- og bænastund í kirkjunni þriðjudag kl. 12.30.

Seljakirkja. Æskulýðsfundur í dag kl. 20. KFUK-fundir á mánudögum. Kl. 17.15 stelpustarf á vegum KFUK og kirkjunnar fyrir 6-9 ára og kl. 18.30 fyrir 10-12 ára. Mömmumorgnar á þriðjudögum kl. 10-12.

Fríkirkjan í Hafnarfirði. Unglingakór á mánudögum kl. 17-19. Æskulýðsfélag mánudag kl. 20-22.

Hafnarfjarðarkirkja. Æskulýðsstarf yngri deild kl. 20.30-22 í Hásölum.

Krossinn. Almenn samkoma að Hlíðasmára 5 kl. 16.30. Allir velkomnir.

Hvammstangakirkja. KFUM og K-starf kirkjunnar mánudag kl.17.30 á prestssetrinu.

Hvítasunnukirkjan Fíladelfía. Almenn samkoma kl. 16.30. Lofgjörðarhópurinn leiðir söng. Ræðumaður Dögg Harðardóttir. Ungbarna- og barnakirkja meðan á samkomu stendur. Allir hjartanlega velkomnir. Mán: Marita-samkoma kl. 20. Allir velkomnir.

Hvammstangakirkja. KFUM og K-starf kirkjunnar mánudag kl. 17.30 á prestssetrinu.

Akraneskirkja. Mánudagur: Fundur í æskulýðsfélaginu í húsi KFUM og K kl. 20.

Hólaneskirkja, Skagaströnd. Á morgun, mánudag: Unglingadeild KFUM & K kl. 20 fyrir 13 ára og eldri.

Lágafellskirkja. Mánudagur: Kirkjukrakkar - starf fyrir 7-9 ára börn frá kl. 17.15-18.15. Húsið opnað kl. 17. Umsjón Þórdís.

Víkurprestakall í Mýrdal. Fermingarfræðsla á mánudögum kl. 13.45.

Loftsalurinn, Hólshrauni 3, Hafnarfirði. Eftirtaldir fyrirlestrar á myndböndum verða sýndir á stóru tjaldi tvö næstu þriðjudagskvöld kl. 20.30. 18 apríl: Ofbeldi og stjórnleysi. 25. apríl: Árangursríkt bænalíf. Fyrirlesari er Dwight Nelson. Allir velkomnir.

Frelsið, kristileg miðstöð . Almenn fjölskyldusamkoma sunnudaga kl. 17.