Stjórn Mývetnings: Guðrún M. Valgeirsdóttir, Böðvar Pétursson, Jóhanna H. Sigurðardóttir, Sigurður Böðvarsson og Sólveig Erla Hinriksdóttir.
Stjórn Mývetnings: Guðrún M. Valgeirsdóttir, Böðvar Pétursson, Jóhanna H. Sigurðardóttir, Sigurður Böðvarsson og Sólveig Erla Hinriksdóttir.
AÐ undanförnu hafa stjórnir Umf. Mývetnings og Íf. Eilífs kannað hug félagsmanna til sameiningar þeirra. Þetta hefur leitt til þess að nýlega var á fundum í hvoru félagi um sig samþykkt að sameina félögin.
AÐ undanförnu hafa stjórnir Umf. Mývetnings og Íf. Eilífs kannað hug félagsmanna til sameiningar þeirra. Þetta hefur leitt til þess að nýlega var á fundum í hvoru félagi um sig samþykkt að sameina félögin.

Nú nýlega var síðan stofnfundur nýs félags haldinn í Skjólbrekku. Þar var sameining endanlega samþykkt einróma.

Hið nýja félag heitir Mývetningur Íþrótta- og ungmennafélag. Í stjórn félagsins voru kjörin: Jóhanna Harpa Sigurðardóttir formaður, Böðvar Pétursson, Guðrún María Valgeirsdóttir, Jóhanna Kristjánsdóttir, Hrafnhildur Geirsdóttir, Sólveig Erla Hinriksdóttir og Sigurður Böðvarsson. Tilgangur félagsins er að halda uppi íþróttastarfsemi og annarri heilbrigðri félagsstarfsemi.

Umf. Mývetningur var gamalt og gróið félag, stofnað 1909, en Íf. Eilífur hafði starfað í rúm 30 ár eftir að þéttbýlismyndun varð í Reykjahlíð. Í sameinuðu félagi eru um 200 félagar. Íbúar Mývatnssveitar eru 450.