Bergstaðastræti 62 er til sölu hjá Eignamiðlun. Þetta hús er teiknað af Ingimundi Sveinssyni arkitekt og er ásett verð 31 millj. kr.
Bergstaðastræti 62 er til sölu hjá Eignamiðlun. Þetta hús er teiknað af Ingimundi Sveinssyni arkitekt og er ásett verð 31 millj. kr.
[ Smellið til að sjá stærri mynd ]
Reykjavík - Eignamiðlunin var að fá í einkasölu húseignina Bergstaðastræti 62, 101 Reykjavík. Þetta hús er teiknað af Ingimundi Sveinssyni arkitekt og er steinsteypt, byggt árið 1978 og er 204 fermetrar á þremur hæðum auk turnherbergis.

Reykjavík - Eignamiðlunin var að fá í einkasölu húseignina Bergstaðastræti 62, 101 Reykjavík. Þetta hús er teiknað af Ingimundi Sveinssyni arkitekt og er steinsteypt, byggt árið 1978 og er 204 fermetrar á þremur hæðum auk turnherbergis. Sér bílastæði er fyrir húsið.

"Þetta er mjög vandað hús á fallegum stað með fögru útsýni," sagði Magnea Sverrisdóttir hjá Eignamiðlun.

"Stórar svalir til suðurs eru út af hjónaherbergi og fallegur lítill garður sem snýr í suður er við húsið.

Húsið skiptist þannig að á fyrstu hæð er forstofa og tvær stofur, eldhús og snyrting, á annarri hæðinni eru þrjú herbergi og baðherbergi og á þriðju hæð er eitt turnherbergi með miklu útsýni. Í kjallara er rúmgott opið, flísalagt rými og tvær geymslur og þvottahús. Hægt er að ganga út í garð úr kjallara.

Þetta er nútímalegt og vel hannað hús hjá Ingimundi Sveinssyni, afar hentugt og mjög í hans stíl. Ásett verð er 31 millj. kr. og ekkert er áhvílandi."