23. desember 2004 | Viðskiptablað | 243 orð | 2 myndir

Sami fjöldi ferðamanna á vegum Kötlu DMI

— Morgunblaðið/RAX
[ Smellið til að sjá stærri mynd ]
FJÖLDI farþega sem ferðuðust í leiguflugi milli Íslands og Þýskalands og Austurríkis á vegum þýska ferðaheildsölufyrirtækisins Troll Tours og íslensku ferðaskrifstofunnar Kötlu DMI var hinn sami á þessu ári og í fyrra.
FJÖLDI farþega sem ferðuðust í leiguflugi milli Íslands og Þýskalands og Austurríkis á vegum þýska ferðaheildsölufyrirtækisins Troll Tours og íslensku ferðaskrifstofunnar Kötlu DMI var hinn sami á þessu ári og í fyrra. Ferðirnar voru farnar í samstarfi við ferðaskrifstofurnar Thomas Cook og Neckermann. Bjarnheiður Hallsdóttir, framkvæmdastjóri Kötlu DMI, segir í fréttatilkynningu frá fyrirtækinu, að árangur félaganna sé viðunandi. "Við erum ánægð með að halda farþegafjölda okkar milli ára, ekki síst þegar miðað er við mikla aukningu í framboði flugsæta hjá keppinautum okkar og frekar erfitt efnahagsástand í Þýskalandi á þessu ári."

Flogið var frá München, Berlín, Frankfurt og Hamborg í Þýskalandi og Vínarborg í Austurríki. Flugið frá Frankfurt var í samstarfi við Icelandair en þýsku leiguflugfélögin Condor og Hamburg International Airways flugu frá hinum borgunum. Í maí og september var boðið upp á tengiflug frá öllum borgunum í gegnum Berlín og Frankfurt.

Katla DMI sér um alla þjónustu við gesti Troll Tours og Neckermann á Íslandi. Fram kemur í fréttatilkynningunni að gestum, sem keyptu þjónustu umfram flug hjá Kötlu DMI, hafi fjölgaði um 10% milli ára. Á móti komi hins vegar að meðaltekjur af hverjum gesti hafi lækkað miðað er við árið 2003.

Af rúmlega 8.500 gestum sem Katla DMI þjónaði á þessu ári fóru 4.102 í hótelhringferðir og 4.430 í skipulagðar fyrirframbókaðar einstaklingsferðir.

Í áætlunum Kötlu DMI fyrir árið 2005 er gert ráð fyrir áframhaldandi samvinnu við samstarfsaðila félagsins og að flogið verði frá sömu borgum og á þessu ári á tímabilinu frá maí til september.

Fletta í leitarniðurstöðum

Aðgangsupplýsingar

Notandi:Þú ert ekki innskráð(ur).
Greinin: Þessi grein er ókeypis þar sem hún er eldri en þriggja ára.
Morgunblaðið - fyrsta forsíðan

Morgunblaðið hjá Landsbókasafni

Á vefnum timarit.is er að finna stafrænt safn Landsbókasafns yfir helstu dagblöð og tímarit landsins. Þetta er eina leiðin til að leita að efni úr Morgunblaðinu frá því fyrir 1986.