Ofnbakaður fiskur með rjómaosti og eplum

• Smjör til steikingar
• 800 g fiskur, t.d. ýsa eða þorskur
• 1 stk. grænt epli
• 1 stk. rauðlaukur
• 1 stk. rauð paprika
• 1 stk. græn paprika
• 4 stk. gulrætur
• 150 g  rjómaostur frá Gott í matinn
• 1 msk. karríduft (1-2 msk.)
• salt og pipar eftir smekk
• 100 g rifinn ostur, t.d. Gratín ostur

Aðferð:

1. Hitið ofninn í 190°C.
2. Hitið smjör á pönnu við vægan hita, skerið grænmetið smátt og steikið í 2-3 mínútur. Bætið rjómaostinum við og kryddið með karríi, salti og pipar. Blandið öllu vel saman og leyfið þessu að malla við vægan hita í fimm mínútur.
3. Skolið fiskinn vel og raðið honum í eldfast mót.
4. Hellið grænmetisblöndunni yfir og sáldrið að endingu rifnum osti út á réttinn.
5. Bakið við 190°C í um 25-30 mínútur.
6. Berið fiskréttinn fram með hrísgrjónum og fersku salati.