Steikur fiskur með heimagerðu remúlaði

Fyrir 3-4

• 600-800 g ýsa eða þorskur

Aðferð:

1. Skerið fiskinn í hæfilega stóra bita.
2. Veltið honum upp úr blöndunni og steikið samkvæmt leiðbeiningum hér fyrir neðan.

Brauðmylsnublanda fyrir steiktan fisk

• 1 ½ dl brauðmylsna
• 1 tsk. salt
• ½ tsk. hvítur pipar
• ½ tsk. karrí
• 1 tsk. paprikuduft
• 1 tsk. laukduft

Aðferð:

1. Setjið allt í skál og blandið vel saman.
2. Sláið sundur 2 egg með 2 msk. mjólk og veltið fiskinum fyrst upp úr eggjablöndunni og síðan raspinu.
3. Steikið á pönnu í olíu með smá smjörklípu út í.
4. Passið vel upp á hitann, þ.e. að hafa hann ekki of mikinn.

Heimagert remúlaði að hætti Húsó

• 1 dl majónes
• 1 dolla 18% sýrður rjómi (rauði)
• 1-2 tsk. díjón sinnep
• 3 msk. relis – boston gúrka í brúsa, örlítið karrí, pipar og laukduft
• Smá hunang
• Hægt er að bæta við saxaðri ferskri steinselju og blaðlauk eftir smekk 

Aðferð:

1. Byrjið á því að hræra saman majónesinu, sýrða rjómanum og sinnepinu í skál.
2. Bætið síðan við gúrkunni og kryddið til með kryddunum.
3. Bætið síðan við ögn af hunangi.
4. Loks getið þið bætt við ferskri steinselju og blaðlauk eftir smekk og ástríðu.